Norwegian Unix User Group

Referat styremøte 2007-06-04, 18:00 - 19:00, UiO/USIT

Styremedlemmer: Petter Reinholdtsen, Håvard Fosseng,
		Ole Kristian Lien (skype), Jon Petter Bjerke (skype)
Varamedlemmer: Gaute Nessan
Fråver: Runar Ingebrigtsen, Peter N. M. Hansteen


SAKLISTE:


2007-43: Godkjenning av referat 2007-07-05

Referatet vart sendt til styret 2007-05-08, og er etter styreinstruksen
automatisk godkjent.


2007-44: Opptak og endring av medlemmer

Styret godkjende dei nye medlemmene og tok utmeldingane til etteretning.


ORIENTERINGAR


2007-45: Mottatt post, postliste

Postlista er ikkje ført, og vart såleis heller ikkje lagt fram. Post
vert no skanna og PDFane lagt inn i RT-saker. Håvard ser på å bruke RT
som støtte for å lage postliste.


2007-46: E-postlista medlemmer@nuug.no har no berre registrerte
	 medlemmer som abonnentar.

E-post som berre skal til medlemmer kan no sendast ut til denne lista.
Nokre detaljar står framleis att før vi kan synce lista automatisk mot
medlemsregisteret.


2007-47: Kontakt med FAD (Fornyings- og administrasjonsdepartementet)
	 sitt standardiseringsråd og skriving av høyringsfråsegn om val
	 av standardar for offentleg sektor

Vi har fått betre kontakt med FAD, og leiaren arbeider med kontakter i
SUN og HP for å få desse til å kome med innspel. Arbeidet med å skrive
høyringsfråsegn om den offentleg standardkatalogen vert koordinert på
http://wiki.nuug.no/uttalelser/200708-standardkatalog


OPPFØLGING AV TIDLIGERE SAKER


2007-48: Framtidige sekretariat- og regnskapstjenester

Avtale med Lodo om rekneskapsføring vil truleg vere på plass ganske
snart. Arbeidet med memberdb går framover, men ikkje så fort. Det er
uvisst om vi får ein sekretariatavtale med Kapp. Vi kan vurdere på
bakgrunn av erfaringane med rekneskapsføringa om det er lurt å kjøpe
desse tenestene frå Lodo.


2007-49: Partnarskap med JavaBin om JavaZone?

Standard partnaravtale kostar 60 000, og vi kan ikkje sjå at PR-effekten
vi kan oppnå ville vere verdt eit slikt beløp. NUUG vert ikkje partnar i
konferansen JavaZone.


EVENTUELT


2007-50: Prisen for fri programvare
	 
Arbeidet er nokonlunde i rute, og vi har allereie motteke to nominasjonar.


2007-51: Grillfest

På aktive-møtet i morgon tek vi opp arbeidet med å få laga ein grillfest
til delvis erstatting av sommarfesten som ikkje vert arrangert.



  -------------------------  ------------------------  -----------------------
      Petter Reinholdtsen      Peter N. M. Hansteen      Jon Petter Bjerke



                  -------------------  ---------------------
                     Håvard Fosseng      Ole Kristian Lien